ek het SOOOOOOOOOOO baie om oor te blog – ek weet in alle eerlikheid nie waar om te begin nie!
Wees ASSEBLIEF NOG NET SO KLEIN BIETJIE GEDULDIG, laat ek net my kop in blog-orde kry…
Jislaaik, ek dog ek kom NOOIT weer by Woestynsand uit nie!
My lewe was ‘n rollercoaster ride tot nou toe en die rit is nog nie verby nie!
Intussen het ek van werk verander en is EK nou die baas van my tyd … en manlief se besigheid! Dit was ‘n moerawiese aanpassing, maar ons is daardeur en ‘n beter mens anderkant uit!
Oor presies 17 slapies, gaan my lewe ‘n drastiese wending neem…’n droom wat ek al die afgelope 15 jaar het, word uiteindelik bewaarheid wat groot veranderinge en aanpassings gaan meebring, maar daarvan vertel ek later. Ek moet nou eers al die voorbereidings agtermekaar kry!
Mmmmm, ek hoor julle al — is jy SWANGER??? Die antwoord op daardie vraag is ‘n besliste nee, maar hopenlik nie vir lank nie! In kort sal ek jul ‘n clue gee … ek gaan vir ‘n operasie’tjie en sodra ek daarvan herstel het, gaan ons ernstig probeer swanger raak! Ek hoop maar my liggaam kan al die veranderinge in een jaar hanteer.
Hou asseblief duimvas vir my! Ek gaan vir ‘n maand bietjie meer eie-tyd tot my beskikking he en ek belowe niks, maar dalk begin ek weer ernstig blog!
Dis eers al van my – ek het jul nog nie vergeet nie!! En vir die wat intussen kontak gehou het, dankie daarvoor – dit beteken ongelooflik baie so tussendeur al die chaos en vreemde dinge wat die afgelope drie maande plaasgevind het. Moet seblief nie skaars raak nie!
Sterkte met jul nuwejaarsvoornemens … ek het NIKS! Ek weet net dit gaan ‘n goeie jaar wees!
Liefdetjies
Rxxx
Ek wil darem net AMPTELIK Niggie se baba aan die wêreld bekendstel en verwelkom…
Op 2 September 2008 is hierdie pragtige seuntjie gebore … André’tjie – welkom in ons wêreld kleinding … ons kan sommer nou al sien jy gaan ons nog lekker om die pinkie draai!! Tannie Né lief jou al klaar hopeloos te veel. Aan Niggie en Arno – baie geluk met jul seuntjie, hy is pragtig en julle is die dierbaarste ouers!! Ouma Mimi, Oupa Charl en Ouma Marlene – geniet die bederf van die eerste kleinkind!!
Kan mens nie net die gesiggie hieronder opvreet nie? My ander kind … Kian… hier alreeds ‘n volle 6 maande oud en nou alreeds twee tandjies ryker!
Geniet die naweek!!
Wat is dit met spoke wat nooit wil ophou spook nie?
…Woorde
Wysies
Plekke
Foto’s
Gedagtes
Liefde
Haat
Pyn
Vergifnis…
Woestynsand tussen my tone 