Archive for Januarie, 2008

…birthdayboy Da…

Posted: Januarie 31, 2008 in Uncategorized

Da Mario

alias…

Don Juan Da Mario

Facebook Da

Batman

dm.jpg

 HAPPY BIRTHDAY OU MATER ! !

HOOP 36’sssss SAL VOL BAIE SPESIALE OOMBLIKKE WEES!

(SOOS DIE DAG TOE JY VIR PAMELA ONTMOET HET!) 😆

dm2.jpg

(PS. Ek hoop jy het darem ‘n oproepie van Pam ook gekry?)

Advertisements

…solank dit wit is…

Posted: Januarie 30, 2008 in Uncategorized

Wat is dit met Suid-Afrikaners en wit motors?

Ek kyk by my venster uit en in die dwars-straat oorkant die pad staan nie minder nie as 15 wit voertuie, slegs een rooie! Ek stap netnou deur ons parkeerarea en van al die personeel wie se motors onder die afdakke geparkeer staan, is daar in totaal net 3 motors wat NIE wit is nie!  So ‘n paar naweke terug het ons ‘n familie-reunie (lees troue) op my neef se plaas, ek tel die wit motors – uit die 25 wat daar staan, is daar slegs een swart bakkie (ons s’n) en een silver bakkie (Niggie s’n)!

In Engeland het ek sommer opgewonde geraak as ek ‘n wit motor sien! Jy kry alle kleure – rooi, swart, alle kleure donker metallic, maar wit … omtrent nooit! Goed, daar is die odd afleweringsvoertuig wat wit is en silwer is in oorvloed – maar ‘n skitterwit motor, huh uh!!

Hierdie “meisie” het ons in Wimbledon gesien … sy het voorwaar koppe laat draai!

limo_pienk.jpg

Sien julle wit motors?  (Putney)

putney_verkeer.jpg

En hierdie tannie het genoeg gehad! Selfs sy was nie wit nie! (Skotland)

ou_chor.jpg

Nou wonder ek – watter faktore beïnvloed jou as dit kom by die kleur van jou motor kies!? 

Of is die wit voertuig kopery regtig ‘n SA ding??

…jack word pa…

Posted: Januarie 29, 2008 in Uncategorized

jack.jpg

Na 5 jaar se girlfriend-droogte gaan my Jack-kind Pa word… Dit was “love at first sight” toe hy die eerste keer sy ogies op Zandi se fietse lyfie lê en die tweetjies het ‘n hele week saam “gekuier” – min gepla met wat in die huis en omgewing aangaan – net ogies vir mekaar!

Gelukkig is dit Zandi se mense-ouers wat met so ‘n bondeltjie gaan sit – en nie ek nie!

boston_pups.jpg

Beteken dit nou ek gaan ouma word?? 😯

…hoener…

Posted: Januarie 25, 2008 in Uncategorized

hoender.jpg

RUK DIE HOENER DIE NAWEEK ! ! ! !

😆

…AND WHATEVER YOU DO…

 BE SAFE !!

…desert…

Posted: Januarie 24, 2008 in Uncategorized
Sleutelwoordw:

desert1.jpg

Desert
Sage brush! Mile after mile,
Quiet in the sun, and shimmering;
Ever in the sun, ever shimmering!
The long low mountains
Seem to crouch beneath the heat,
And the earth, dried to a powder,
Is strewn with choked brown grass.
Ants burrow in the ground
And live on things that perish here.
Stream beds are dry, beaten paths
Of rabbits and sage coyotes
That for keen thirst run the full length
Of each ravine, and fall at last
As did one here whose bones lie scattered,
White as snow beneath the sun.
God, the waste! the quivering waste!
Where things grow up to die!
(P. Roy Brammell)

This poem tells you about the desert, just as it is.
A hard place where you are forced to listen to God’s voice
When there is no way further in life…the desert will show the way.

…dankbaarheid…

Posted: Januarie 23, 2008 in Uncategorized

blom.jpg

 Dis altyd so … as ek hoor van iemand naby my wat ‘n geliefde verloor het – of iemand in die familie het wat baie siek is … is daar altyd so ‘n oorweldigende gevoel van groot jammerte vir hul hartseer, maar ook ‘n gevoel van dankbaarheid in my hart! Dankbaarheid vir diegene wat ek nog gelukkig genoeg is om te hê!

My vriendin het vanoggend die nuus gekry dat haar ouma van 90 oorlede is! Ek is so hartseer vir haar, want ek weet sy het ‘n baie spesiale band met haar ouma gehad!! My ouma is al ‘n paar jaar oorlede – sy was ‘n engel van ‘n mens! Ek onthou sy het die mooiste hande gehad wat ek nog ooit gesien het – en sy was altyd so mooi versorg! Haar naels was altyd lank, mooi gevyl, gecutex en geroom en haar vel was soos satyn! Ons was nog jong kinders toe ouma oorlede is – en vandag is ek spyt oor die kere wat ek partykeer ongeduldig was met ouma oor sy nie volgens my verstaan het hoe ‘n jongmeisie se hart werk nie! Ek is spyt dat ek nie meer blommetjies vir haar geneem het, of meer drukkies vir haar gegee het, om met meer aandag geluister het as sy my van haar storietjies vertel het nie!  Ek weet eers vandag dat niks haar plek kan vol staan nie!

Daarom is ek dankbaar – vir diegene wat nog hier is! Vir my ma en haar kwaai kyke, vir boeta wat berispe as sussa skeeftrap, vir familie wat nie gereeld bel of altyd vra hoe dit gaan nie, maar daar is as jy hul nodig het! Vir vriende wat luister, omgee, aanvaar en liefhet, sonder om iets terug te verwag!

Daarom wil ek vandag ook vir JOU dankie sê … jy is miskien ‘n vreemdeling wat hier lees … maar as jy al ‘n comment gelos het, of ‘n email gestuur het, het jy ‘n rol in my lewe gespeel! Miskien ken jy my baie goed en het ons al ‘n paadjie saam gestap en was jou rol tien teen een heelwat groter as wat jy besef! 

Vir elkeen van julle ‘n opregte dankie uit my hart…

Some people don’t know
how important it is that they exist.
Some people don’t know
how good it is just to see them.

Some people don’t know
how comforting their smile is.
Some people don’t know
how good it feels to be near them.

Some people don’t know
how much poorer we would be without them.
They would know if we told them…
Like I’m telling you!

As daar iemand in jou lewe is wat ‘n baie spesiale dankie-plekkie in jou hart het – gaan sê dit vir daardie persoon! Tel op jou telefoon, of stap oor en gaan gee hom/haar ‘n hug en sê dit – doen dit NOU! Ouma het altyd gesê mens moenie blomme gee vir mense wat reeds oorlede is nie – gee vir iemand ‘n blom wanneer hy/sy dit nog kan sien en waardeer.

…hitman…

Posted: Januarie 22, 2008 in Uncategorized

Gedurende my naweek van “niksdoen”, het die niksdoen my so bietjie ingehaal en het ek Sondagmiddag besluit om ‘n lekker fliek deur te hardloop! Ek was nie lus vir die gewone chic flick nie – en het nie krag gehad vir ‘n traantrek-drama nie! Nou kyk, die wat my fliekgewoontes ken sal weet ek is nou nie juis een vir ‘n skop-skiet-en-bliksem besigheid nie! Hoe minder bloed en spatsels harsings ek sien … hoe beter!! Geweld is net nie my ding nie, want ek is vir driekwart van die fliek met my hande voor my oë!! To much stress sê ek julle!! Maar Sondag het ek myself verras – en aangesien ek nie in die bui vir een van my twee gunsteling movies was nie – koop ek toe maar die skop-skiet-en-bliksem fliekkaartjie! Net vir afwisseling jy sien…

hitman.jpg 

Hitman – is gebasseer op ‘n video game met dieselfde naam. (Ek speel ook nie morsige bloederige video games nie, so ek was glad nie “in tune” met die storie agter die storie nie!) Nietemin – met die popcorn op die skoot sit ons toe reg vir aksie!! En aksie – dié het ek gekry!

Die film begin met ‘n montage van ‘n groep kaalkop, blou-oog seuntjies wat opgelei word in wapengebruik en “martial arts”! Almal gebrandmerk met ‘n barcode agter die kop!

Interpol agent Mike Whittier (Dougray Scott) kom een aand by die huis, struikel oor ‘n lyk en komkommerkoel Agent 47 (Timothy Olyphant) sit en wag hom in agter sy lessenaar! Hulle het ‘n kort gesprek en Agent 47 vra ‘n baie belangrike vraag “What makes a good man kill”.  Dan spring die tydlyn terug na 3 maande gelede waar 47 besig is om ‘n “hit” af te handel in St Petersburg, Rusland!  Hy ontvang opdrag van sy Organisasie dat sy volgende teiken, Russiese President Mikhail Belicoff in die openbaar doodgemaak moet word.

No problem, Agent 47 pot die President met ‘n sniper rifle – kopskoot oor ‘n afstand van 4km! Hit completed!! Terug in sy hotelkamer word hy ingelig daar was ‘n ooggetuie, en sy moet ook van kant gemaak word.  Hy kry instruksies waar om haar op te spoor, maar die oomblik toe hy haar sien, weet hy sy is nie ‘n ooggetuie nie, want sy het hom glad nie herken nie! (Dis regtig moeilik om daai gesig en die barcode op sy agterkop NIE te herken of te onthou nie!)

The plot thickens toe 47 agterkom Belicoff se dood word toegesmeer deur dubbelgangers en hy besef hy is deur sy Organisasie in ‘n lokval gelei met die kamtige ooggetuie!  Toe slaan sewe soorte paw-paws die fan!!!

Nou ja, ek wil nie die hele fliek weggee nie! Al is aksieflieks jou “ding” – maak jou reg om nie te ontspan nie – nes jy dink nou het Interpol vir Agent 47 vasgekeer, wag daar weer ‘n verrassing! Agent 47 se uiters cool houding is genoeg om mens op die punt van jou stoel te hou van die eerste minuut af!!! Nee kyk, Schwarzenegger, Van Damme, Chuck Norris ens ens kan maar gaan slaap – Agent 47 sal hulle almal op hul m**r gee!!

Maar moenie my woord vat nie – gaan kyk eerder self!

barcode.jpg