Archive for November 26, 2007

…goeie nuus…

Posted: November 26, 2007 in Uncategorized

baba1.jpg 

Liewe woestyn-vriend…

Iewers is daar ‘n stemmetjie in my wat sê jy het my tog vergeet, al sê jou woorde anders.

Ek hoor toevallig laasweek by iemand dat jy en jou vrou jul eersteling verwag! Ek was geskok, maar baie bly … en ek was kwaad! Hoekom moet ek dit by iemand anders hoor? Jy wat altyd al jou opgewondenheid, jou prestasies, jou lewenskennis, jou drome en ideale met my deel, maar hierdie blye nuus, word van my weggehou!

Ek is so opgewonde vir julle … elke kindjie wat in die lewe gebring word, is vir my die grootste wonderwerk, al is dit nie my eie nie!  Ek sou nogsteeds saam met jul opgewonde geraak het oor die baba, en nie eers gedink het daaraan dat ek en manlief nog so bietjie moet wag voor ons ook met so ‘n groot verantwoordelikheid en geskenk geseën word nie!

Ek het vir jou ‘n kort briefie daaroor geskryf, oor hoe jou stilswye my laat voel het. Jy ken my behoeftes en jy weet hoe graag ek ‘n baba wil hê, daarom het jy niks gesê nie! Ek kan nie jou sensitiewe siel blameer nie – ek kan nie kwaad wees vir jou nie – jy het goed bedoel!

Dit neem egter nie hierdie geknibbel aan my hart weg nie! Ek wonder nogsteeds!!

Advertisements