Archive for Junie 18, 2007

…versamelings…

Posted: Junie 18, 2007 in Uncategorized

fido.jpg

Ek is GLAD NIE ‘n opgaarder nie, maar wel ‘n selektiewe versamelaar!

Ek versamel koffie uit verskillende lande en het ‘n groot swakheid vir “outydse” advertensies, wat meestal in die vorm van poskaarte te koop is.

Ek versamel ook enige iets waarop die Coca Cola logo verskyn!

Ek het so ‘n rukkie terug ‘n regte outydse Pepsi-Cola houtkratjie gekry waarin vroeërdae se Coke-botteltjies in verpak en vervoer is. Ek kon nie my geluk glo toe Coca Cola ‘n promosie by Pick ‘n Pay het waar hulle weer die outydse Coke glasbotteltjies verkoop nie! My krat is nou vol botteltjies en staan mooi uitgestal in my kombuis en dit lyk stunning!

My niggie het uit Londen laat weet dat daar ‘n winkeltjie is met die oulikste outydse poskaarte en foto’s en sy het alreeds so ‘n paar aangestuur … raai dus waar ‘n paar van my ponde gedurende die Londen besoekie belê gaan word? 

Miskien is dit die nostalgie daaraan verbonde van ‘n era wat ek nooit geken het, wat my so na die ou goed aantrek! Dit bly maar net vir my mooi en kosbaar…

Hier is nog so ‘n paar van my gunsteling advertensie poskaarte…

bettyboop.jpg  suchard.jpg  omoadd.jpg  drinkcocacola.jpg

Lekker daggie!

xxRxx

PS … Nog 73 slapies! 😀

Advertisements