…bedanking…

Posted: Junie 12, 2007 in Uncategorized

Heil sommer die leser ook.
 
Hiermee dien ek amptelik my bedanking as volwassene in. Ek het besluit om weer al die verantwoordelikhede van ‘n 8 jarige te aanvaar.
 
Ek wil McDonald’s toe en dink dat dit ‘n 4 ster restaurant is.   
   
Ek wil weer stokkies oor ‘n reën poeletjie laat seil en ‘n sypaadjie pak met klippe en aan-aan speel.

Ek wil weer dink dat Smarties beter as geld is, want jy kan die goed eet.
 
Ek wil op ‘n warm somersdag onder ‘n groot skaduboom lê en saam met my pellies lê en droom met ‘n grassie innie kies.

Ek wil weer terugkeer na ‘n tyd toe die lewe eenvoudig was, jou kennis beperk was tot kleure, maal en deel tafels en Siembamba.   

Dit het jou nie getraak dat jy nie geweet het wat jy nie geweet het nie, so what! Al wat jy geweet het was om gelukkig te wees, want jy was salig onbewus van al die dinge wat jou moes ontstel of laat worry soos vrypuisies byvoorbeeld.
 
Ek wil weer dink dat die lewe goed en regverdig is, en dat almal eerlik en opreg is.

Ek wil weer glo dat enigiets moontlik is.
 
Ek wil salig onbewus wees van die kompleksiteite van die lewe en weer opgewonde raak oor die klein goedjies in die lewe soos gekleurde popcorn.
 
Ek wil weer eenvoudig lewe. Ek soek nie dae wat bestaan uit computers wat crash nie, berge papierwerk, nuus wat depres nie, hoe om meer dae in die maand te hanteer as wat daar geld in die bank is nie, doktersrekeninge, skinder, siektes, en die verlies van geliefdes.
 
Ek wil weer glo in die krag van ‘n glimlag, drukkies, ‘n vriendelike woord, die Waarheid soos wat dit in die Begin bedoel was, regverdigheid, vrede, drome, die verbeelding, die mens sonder sy maskers en skuins motiewe, en sommer net modderkoekies bak. 
 

So . .. hier is my tjekboek en my motorsleutels, my krediet kaartrekeninge en sommer die hele kaboedel wat soos grootmens lyk.

Ek bedank offisiëel as volwassene.

As jy hierdie saak nog verder wil uitpluis of wat ook al jou intensie is, moet jy my eers inhol, want……..
 
 
…..”Touch! Jy kan my nie vaaaang nie!!” 

Lekker daggie

xxRxx

Kommentaar
  1. marat sê:

    Hierdie al hoeveel keer per email ontvang, maar bly ‘n lekker gedagte. Om weer dinge deur die oë van ‘n kind te kan sien . . . bring jou terug aarde toe.

    Maar hoekom, tannie Krista?

  2. h0ney sê:

    woohooo…..ek wil weer kaalvoet in die tuin rond hardloop en my klere uittrek om deur die sprinklers te hardloop…….

    die goeie ou dae……

    lekker dag maaitjie!!

  3. Jaco sê:

    Unfair! Ek wil nie alleen grootmens wees nie. Maar mense kyk snaaks vir ‘n 30 something professional wat saam met die laaities kleilat speel.

  4. Thea sê:

    Ek het gelees dat Carike Keuzenkamp op 60 nog saam met haar kleinkinders trampolien spring, dus kan ek op 40 something dit seker ook doen. Ek gaan dit doen en ek gaan ‘n summersault ook doen, watch my!!

  5. Da Mario sê:

    hOney…
    Ek sou wat gee om jou sonder klere deur die spryers te sien hardloop, veral as ek jou buurman was. Yummy…😀

  6. Lindy Coetzee sê:

    Nou sit ek ook en verlang na gisters wat verby is, toe ek net gehuil het oor pakslae en seerkry in die boom. Toe ek nog kon glo in die tandmuis en kersvader… Dankie Rene dit was lekker om weer te kon droom en onthou wat was, terwyl die klomp wat toi-toi verby my kantoor dans…..

  7. idiwidi sê:

    modderkoekies – yum!

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s