“lite side of life”

Posted: Februarie 5, 2007 in Uncategorized

Ai, maar het ek julle gemis die naweek! In my kop het ek so baie dinge met julle bespreek, en noudat ek hier agter my PC sit is daar NIKS! ‘n Totale ‘blank’!  Dit beteken darem nie ek gaan julle vandag ook afskeep nie!

Ek weet nie wat Vrydag gebeur het nie! Ek het probeer om ‘n post te skryf, maar hierdie blikbrein van my het my holrug gery! Hy wil eenvoudig net nie saamwerk nie! Maar heit, vandag is die ou weer op sy kop! Het seker ook maar soos ek gevoel na ‘n woelige week!

Anyhow – hier sit ons alweer – dis Maandag, die begin van ‘n nuwe week! Mind you vir die wat wil weet – dit gaan regtig goed met “my nuwe lewe”! Daar is weer ‘n huppel in my stappie en ek kry nie die glimlag van my bakkies afgevee nie! Vaalseun – my kolligte is weer op brights! Jy sal weet!

Ek was Saterdag weer ‘n slaggie V&A Waterfront toe – hel maar daai plek het nou vir jou ‘n vibe! Daar het ‘n beautifull groot boot in die hawe gestaan, ek reken seker so groot soos die een wat Steve op was die naweek – maar so wat van uitlanders het ek lanklaas gesien! Dit voel skoon of jy in ‘n ander land is! Dis net Tafelberg wat jou herinner dat jy in Kaapstad is – of dan Slaapstad soos Steve daarna verwys! Verder was dit ‘n fantastiese dag! Ek het ‘n vriendin, haar dogter en my “aanneem koshuiskind” saamgevat en na ‘n toer deur die stalletjies, en ‘n heerlike bord seekos durf ons toe die water aan! Het ‘n vinnige halfuur-toertjie in die hawe op ‘n boot gevat, lekker koud gekry van die “open-air-aircon” en toe weer die hasepad huistoe gekies – kuslangs! Tog te lekker om weer ‘n bietjie weg te kom en vars seelug in te asem! Daardie vibe van die Waterfront hou jou so vas, jy moet jouself behoorlik wegskeur om daar weg te kom!

Om terug te kom na Kaapstad of Slaapstad – wat maak dit nou eintlik saak of dinge hier in die Kaap teen ‘n stadiger spoed plaasvind? Hier LEWE ons darem nog die lewe! Ons kan op ‘n hawemuur gaan sit en kyk hoe die see-otters in die water baljaar ! Hier op die platteland kan ons darem nog Sondae-aande vir ‘n koppie koffie na vriende drie blokke verder stap en die vars aandbriesie in-asem! Ons huise het alreeds ons tronke geraak, maar ons lewe nie regtig in vrees nie! Die kinders stap nog middae na skool geselsend en laggend huistoe! Nie ‘n bietjie bangeit in daardie onskuldige gesiggies nie! Dan kan ek nie anders as om myself af te vra – “vir hoe lank nog?” nie! Wat moet gebeur dat ons begin versigtiger raak?

Ag, eintlik wil ek glad nie op hierdie blog oor misdaad gesels nie! So, ek het ‘n voorstel! Kom ons gebruik my blog om oor die lekker goedjies in die lewe te gesels. Die goed wat ons laat lag, wat jou so opgewonde maak dat jy nie kan wag om dit met iemand te deel nie!! Ek wil praat oor die dinge wat vir jou in die lewe ‘n bietjie “AF” is. Snaakse dinge wat mense aanvang.  Hoe jy jou naam met ‘n plank geslaan het en hoe jy dit “oorkom” het! Die “lite side of life” dingetjies! Julle sal weet waarvan ek praat!!

So, ek gee jou kans tot môre en dan gaan ons begin om hierdie blog aan die brand te lag!

Hoop dis vir jou ‘n verruklike en vreugdevolle dag!

Tot later…. R xx

Kommentaar
  1. Hallo!

    Ai, lekker om by iemand te kuier wat lus het om die lawwehoedjie op te sit! Is vandag ook nie lus om die diepdinkdingetjie nader te trek nie. Daar is soveel hartseer en frustrasies in elke dag dit dit mens maklik kan versomber.

    Of ek gaan saampraat oor hoe ek my naam met ‘n plank geslaan het, weet ek nie.

    Mag dit vir jou ‘n huppelstappiedag wees!

    Groete,

    Jo-Ann

  2. Rounelle sê:

    Hello vriendin(ne) lol! Mis julle baie maar ek moet erken ek staan met my een voet in die hemel. Snaaks hoedat jy my nou vandag so baie aan Kaapstad en goeie ou Tafelberg sal gaan staan en herinner! Maar dis waar wat jy se Rene, ons lewe tog anderste daar onder, voete plat op die aarde of selfs begrawe iewers tussen branders en sandduine. Sodra ek terug is begin ons soek na ‘n datum. Dis marteling om nie by mekaar uit te kom nie – ek sal net my werk op datum moet kry lol! Pas julself mooi op, en kyk na mekaar asb. Julle is albei baie precious vir my. En Rene, ek like die smile … nie net dat hy terug is op jou bakkies nie, maar ook in daai goudhart van jou. Hugs X

  3. h0ney sê:

    Hi hi,

    Ai weet jy. As ek eers moet begin vertel hoe ek al my naam geslaan het met ‘n plank hou ons nooit op nie!! Maar dankie, nou giggel ek al so net om daaraan te dink.

    Klink of jou naweek fantasties was!! Baie bly om dit te hoor.

    Dankie vir alles en be safe.

    Mwah mwah

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s